Дәрдемәнд шигырьләре
«Хәл итеп, тәркиб итеп, кимьячы! нидер кара бу»
2022-06-12 18:06
***
Хәл итеп, тәркиб итеп, кимьячы! нидер кара бу;
Бер сүтеп, бер беркетеп, уйлар йөреткән кара бу.
И мөһәндис! Кач, ширидеңне алып, үлчәүне куй,
Аркылы-буй берсене үлчәр өчендер бары бу.
Башкаралмый буенча кәсрен гомерләрдер гыйльме җәбер,
Канча җәбирләрне илдән кәсер итеп башкара бу.
Кимьячы –
химик.
Мөһәндис –
җир үлчәүче, инженер.
Ширидеңне –
үлчәү таягыңны.
Гыйльме җәбер –
алгебра.
Җабирләрне –
җәберләүчеләрне, тираннарны.
Кәсер итеп –
аерып, ваклап.