Диңгез эчендә утрау бар — аның өстендә кала:
Алтын түбәле сарайлар — күзләрнең явын ала.
Анда үсәдер бер чыршы,
Аңа пыяла бер өй күрше.
Кулга өйрәнгән бер тиен — ул өйнең эчендә тора,
Җырлар җырлый, әмма, көен — ишеткәннәрдән сора.
Уйный, сикерә һәм симерә,
Чикләвекләр гел кимерә.
Кабыклары саф алтыннан — җимнәре гел зөбәрҗәт,
Себереп алалар алдыннан — караучылар итә хезмәт.
Куелган анда бер түрә,
Чикләвеккә хисап күрә.
Ул утрауда һәркем дә бай — өйләр һич юк —
Гел ки сарай.